Kemi kënaqësinë të ju prezantojmë Newsletter tona vjetore, duke treguar përparimin e jashtëzakonshëm që kemi bërë në avancimin e sektorit të TIK-ut në Kosovë. Nëpërmjet bashkëpunimit dhe mbështetjes nga Agjencia Austriake për Zhvillim (ADA) dhe Shoqata Austriake e Informatikës (OCG), SHPIK organizon aktivitete të ndryshme në sektorin e TIK si dhe po arrinë marrëveshje bashkëpunimi me organizata dhe akterë të rëndësishëm në Kosovë të fushave të ndryshme në sektorin e TIK-ut për të pasuruar njohuritë dhe shkathtësitë e anëtarëve tanë dhe të komunitetit më të gjerë.

Për të gjitha këto, SHPIK bën publikimin e Newsletter për çdo vit duke përfshirë të gjitha aktivitetet dhe për të informuar anëtarët tanë me shërbimet që ofrojmë.

Bashkohuni me ne në ndërtimin e një sektori më të fortë, më inovativ dhe të suksesshëm të TIK-ut në Kosovë, ndërsa ne hapim rrugën për një të ardhme më të ndritshme.

Në SHPIK, jemi të përkushtuar për të nxitur dhe përmirësuar transformimin digjital, dhe iniciativat tona kërkimore luajnë një rol jetik në arritjen e këtij qëllimi. Ne kryejmë vazhdimisht një sërë projektesh kërkimore periodike që synojnë mbështetjen dhe avancimin e transformimit digjital. SHPIK ka realizuar një sërë studimesh të publikuara, duke përfshirë Barometrin e Shkathtësive, Barometrin e Infrastrukturës Digjitale në Shkolla, Barometri i Qasshmërisë, Barometri i Punësimit të studenteve të SHMP-ve në profilet e TIK-ut si dhe Barometrin e Pagave të profesioneve të TIK-ut. Eksploroni faqen tonë të kërkimit për të fituar njohuri të vlefshme dhe për të qëndruar të informuar për zhvillimet më të fundit në fushën digjitale.