Mentorimi i gjeneratës së lidereve të ardhshme
TechLead(H)er është një iniciativë inovative dhe fuqizuese e krijuar për të mbështetur rrugëtimin profesional të grave dhe vajzave në fushën e menaxhimit të projekteve brenda sektorit të ICT-së. Ky program unik mentorimi synon të shpalosë dhe të zhvillojë potencialin e pjesëmarrëseve përmes mësimit nga ekspertë të dalluar vendor, ofrimit të këshillave të personalizuara dhe krijimit të mundësive të reja për avancim profesional. Duke u fokusuar thellësisht në sfidat dhe mundësitë unike që hasen në menaxhimin e projekteve, TechLead(H)er ofron një platformë të pasur për zhvillimin e shkathtësive, rrjetëzimin dhe rritjen në karrierë, duke përgatitur gjeneratën e ardhshme të lidereve të industrisë.
Programi i mentorimit TechLead(H)er për vitin 2025 është dizajnuar për të pajisur pjesëmarrëset me shkathtësitë kyçe në lidershipin dhe sipërmarrjen digjitale, duke integruar teknologjinë, inovacionin dhe inteligjencën emocionale për sukses në epokën digjitale.
Qëllimi: Të zhvillojë aftësitë e lidershipit, menaxhimit të ekipeve dhe inteligjencës emocionale për të krijuar lidere të suksesshme në epokën digjitale.
Sesioni 1: Bazat e Lidershipit Digjital
Sesioni 2: Inteligjenca Emocionale në Lidership
Sesioni 3: Menaxhimi i Ekipeve Digjitale
Sesioni 4: Ushtrime Praktike dhe Studime Rasti.
Qëllimi: Të pajisë pjesëmarrëset me aftësitë për të zhvilluar një ide biznesi digjital, për të menaxhuar një startup dhe për të aplikuar inovacionin në sipërmarrje.
Sesioni 1: Hapat e Parë në Sipërmarrje Digjitale
Sesioni 2: Hulumtimi i Tregut dhe Validimi i Idesë
Sesioni 3: Menaxhimi i Startup-it dhe Ndërtimi i Ekipit
Sesioni 4: Pitching dhe Prezantimi i Idesë së Biznesit
Qëllimi: Të mësojë pjesëmarrëset të ndërtojnë një prani të fuqishme online, të zbatojnë strategji efektive të marketingut digjital dhe të zhvillojnë brandingun e tyre personal ose të biznesit.
Sesioni 1: Strategjitë Kryesore të Marketingut Digjital
Sesioni 2: Branding Personal dhe Ndërtimi i Një Prezence Online
Sesioni 3: Përdorimi i Rrjeteve Sociale për Biznes
Sesioni 4: Analiza e Të Dhënave dhe Përmirësimi i Strategjisë
Anëtarësohuni në pakon STUDENT GROW duke vizituar https://www.shpik.org/anetaresimi/.
GROW është një paketë e ofruar nga SHPIK e krijuar për të mbështetur rritjen profesionale dhe personale. Anëtarësimi ofron qasje në programe të ndryshme, duke përfshirë programin e mentorimit të Menaxhimit të Projektit TechLead(H)er.
