Misioni
Mision i këtij SIG-u është avancimi i njohurive dhe shkathtësive të inxhinierimit të softuerit në nivel vendi.
Bëhu pjesë e SIG-ut “Inxhinierimi i softuerit” – komunitetit të anëtarëve profesionistë, të cilët, falë shkathtësive, ekspertizës dhe përvojave të tyre, janë ndërtues të softuerit në vend dhe në botë.
Rreth nesh
Inxhinierimi i softuerit është ndër fushat më të kërkuara në tregun botëror të TIK. Ky SIG do ta përkrahë avancimin e profesionit të inxhinierëve të softuerit në të gjitha fushat relevante: inxhinierimi i kërkesave, specifikimi dhe dizajni, arkitektura e softuerit, validimi, verifikimi, debagimi, siguria e softuerit, proceset softuerike, menaxhimi i softuerit, matja, ndërfaqet e përdoruesit, menaxhimi i konfigurimit, mjediset e inxhinierimit të softuerit dhe mjetet CASE.
Fokusi ynë
Ne jemi SIG-u i cili e bën ndërlidhjen e komunitetit të inxhinierëve të softuerit të të gjitha moshave e specializimeve, nga Kosova dhe rajoni. Pjesë të këtij komuniteti janë profesionistët, praktikantët, mësimdhënësit e zhvillimit softuerik të të gjitha niveleve, nxënësit dhe studentët dhe të gjithë entuziastët e tjerë.
Për t’i arritur synimet tona, anëtarët e këtij SIG-u do ta kenë mundësinë që përmes eventeve të ndryshme:
- të debatojnë rreth temave aktuale të kësaj fushe me profesionistë dhe mësimdhënës vendorë dhe ndërkombëtarë
- të organizojnë trajnime
- t’i shkëmbejnë përvojat dhe njohuritë e tyre
- t’i promovojnë praktikat e mira
- t’i identifikojnë sfidat e profesionit dhe ideojnë zgjidhje përkatëse
- t’i përkrahin institucionet privato-publike në përpilimin e politikave gjegjëse
Përfitimet
SIG-u “Inxhinierimi i softuerit” do të krijojë përfitime të shumta për anëtarë qofshin biznese apo individë, ndër të cilat më të rëndësishmet janë:
- Promovimi i profesioneve të zhvillimit të softuerit në Kosovë
- Identifikimi i sfidave të këtyre profesioneve dhe ofrimi i zgjidhjeve
- Promovimi i praktikave më të mira
- Ngritja e kapaciteteve për zhvillim softuerik në vendin tonë
- Përmirësimi i cilësisë në planifikimin dhe realizimin e projekteve të zhvillimit softuerik
- Avancimi i kurrikulave për zhvillim softuerik në të gjitha nivelet dhe përcjellja e trendeve botërore
- Certifikimi i shkathtësive
Komiteti udhëheqës
Komiteti Drejtues i SIG-ut “Software Engineering” është i përbërë prej anëtarëve të këtij SIG-ut, të cilët dëshirojnë, që përmes angazhimit të tyre vullnetar, të kontribuojnë në realizimin e objektivave dhe misionit të këtij SIG-u.
Komiteti drejtues i SIG-ut, pritet të takohet në baza mujore për ta bërë drejtimin udhëheqës së SIG-ut dhe planifikimin e buxhetit.
Përgjegjësinë operacionale të taskave të SIG-ut e bart ekipi udhëheqës dhe administrata e SHPIK-ut.
Besim Dauti
Fullstack Developer
Labinot Jaha
Rinor Jahaj
Nëse dëshironi të bëheni pjesë e komitetit drejtues, ju lutem të plotësoni këtë formë:
