Qëllimi
SIG-u Women in ICT (nga angl. Special Interest Group, Gratë në TIK) synon përkrahjen e grave në ngritjen e shkathtësive të tyre teknike dhe udhëheqëse.
Historiku
Në Kosovë, gratë vazhdojnë të jenë të nën-përfaqësuara në programe studimore e profesione të TIK-ut si dhe në pozita udhëheqëse në ndërmarrje, në relacion me përqindjen e tyre në popullatë.
Prandaj, përfaqësimi i barabartë i grave dhe i burrave në profesione të TIK-ut dhe në pozita menaxheriale / vendim-marrëse është një prej synimeve të SHPIK-ut.
Rrjetëzimi i grave të reja me liderë e lidere me përvojë, që ofrojnë këshillim, mentorim dhe coaching në një mjedis mbështetës dhe social do të jetë pjesë përbërëse e misionit të SHPIK-ut dhe do ta ketë përkrahjen e duhur financiare të organizatës.
Fushëveprimtaria
Women in ICT do të mbështesë rrjetëzimin dhe fuqizimin e grave profesioniste dhe aspiruese në avancimin e shkathtësive të tyre teknike dhe udhëheqëse. Kjo do të arrihet përmes ofrimit të trajnimeve, mentorimit dhe eventeve të ndryshme rrjetëzuese.
Shërbimet e SHPIK-ut do të përfshijnë një numër të madh të aktiviteteve, në të cilat anëtaret e SHPIK-ut do të mund të:
- Zgjerojnë rrjetin e tyre
- Promovohen
- Përvetësojnë njohuri të reja nga fusha të ndryshme teknike dhe udhëheqëse
- Marrin pjesë në trajnime profesionale teknike, menaxheriale, etj.
- Regjistrohen si përfituese të programeve të mentorimit
- Sigurojnë përkrahje teknike dhe financiare për realizimin e ideve të tyre sipërmarrëse
Çdo vit, SHPIK do të organizojë një program të mentorimit, në të cilin do të bëhet matching 1-1 në mes të grave pjesëmarrëse/përftuese të shërbimit të mentorimit dhe mentorëve me reputacion të shkëlqyer vendor e ndërkombëtar.
Shërbimet
Shërbimet e SIG-ut Women in ICT do të jenë të dizajnuara konform kërkesave të anëtarëve përfituese.
Ndër të tjera, në kuadër të këtyre shërbimeve dhe në bashkëpunim me qendrat trajnuese (partnere të SHPIK-ut) do të ofrohen trajnime nga këto fusha:
- Menaxhimi i projekteve, PMP
- AGILE/SCRUM
- Menaxhimin i ekipeve
- Menaxhimi i inovacionit
- Menaxhimi i palëve me interes
- Menaxhimi i konflikteve
- Lidership
- DevOps
- CRM
- Digital Marketing
- Sotware Engineering,
- etj.
Komiteti udhëheqës
Komiteti Drejtues i SIG-ut “Women in ICT” është i përbërë prej anëtarëve të këtij SIG-ut të cilët dëshirojnë që përmes angazhimit të tyre vullnetar, të kontribuojnë në realizimin e objektivave dhe misionit të këtij SIG-u.
Komiteti drejtues i SIG-ut pritet të takohet në baza mujore për ta bërë drejtimin udhëheqës të SIG-ut dhe planifikimin e buxhetit.
Përgjegjësinë operacionale të taskave të SIG-ut e bart ekipi udhëheqës dhe administrata e SHPIK-ut.
Alejtin Berisha
Kolegji Universum
Bekim Kasumi
SHPIK
Isak Shabani
FIEK
Jora Zeneli
Çikat n'STEM
Laura Kryeziu
Leadership and Growth Council
Teuta Sahatqija
Women in Tech Kosovo
Nëse dëshironi të bëheni pjesë e komitetit drejtues, ju lutem ta plotësoni këtë formë:
