Misioni ynë
EdTECH SIG është krijuar me qëllim që të mbështesë mësimdhënësit e TIK-ut, nxënësit, studentët, menaxhmentin e shkollave drejt integrimit të suksesshëm dhe përdorimit të teknologjisë në procesin mësimor brenda dhe jashtë shkollave.
Qëllimi i këtij SIG-u
Zhvillimi i hovshëm i TIK e bën të domosdoshme aktualizimin e shkathtësive digjitale për mësimdhënës. Avancimi i shkathtësive digjitale përmes zbatimit të teknologjisë së TIK-ut në procesin mësimor dhe aftësimi në përdorimin e TIK-ut janë fokusi i këtij SIG-u. Ky SIG është i krijuar nga mësimdhënësit dhe shërben për rrjetëzim, avancim të shkathtësive dhe shkëmbim të përvojave nga fusha e përdorimit të TIK-ut në shkolla.
Rreth këtij SIG-u
Përmes organizimit në këtë SIG mësimdhënësit do të mund t’i artikulojnë nevojat dhe kërkesat e tyre për trajnime të vazhdueshme në fushën e TIK-ut, të shkëmbejnë përvojat e tyre me njëri tjetrin dhe të ndihmojnë avancimin a vazhdueshëm profesional.
Për të arritur këtë, anëtarët e këtij SIG-u do ta kenë mundësinë që përmes eventeve të ndryshme të:
- informohen rreth trendëve më të reja të zbatimit të TIK-ut n procesin mësimor
- shkëmbejnë përvojat me mësimdhënës tjerë
- të mësojnë nga profesionistet e fushës së TIK-ut lidhur me përdorimin efikas të TIK-ut
- t’i promovojnë praktikat e mira
- t’i identifikojnë sfidat e profesionit dhe ideojnë zgjidhje përkatëse
Përfitimet
Përmes anëtarësimit në SIG-un EdTech, anëtarët e SHPIK-ut, do të kenë të drejtë t’i gëzojnë këto përfitime shtesë:
- Qasje në Knowledge Hub të SIG-ut, në të cilin do të publikohen artikuj të ndryshëm dhe rekomandimet më të mira lidhur me përdorimin e TIK-ut në procesin mësimor
- Mundësi të përfitimit të trajnimeve, workshopeve dhe certifikimeve pa pagesë dhe/ose me çmime shumë të favorshme
- Mundësia në pjesëmarje falas në konferencën vjetore të EdTech
- Qasje në standarde, udhëzues praktik dhe shabllone të dobishme për punën e përditshme
- Qasje në shembuj se si të përdoren në mënyrë efikase pajisjet dhe programet e TIK-ut
- Të drejtë pjesëmarrjeje në sesione këshilluese e ngjarje ekskluzivisht të dizajnuara për profesionistë dhe aspirues të kësaj fushe
- Ofrimi i mundësisë për të qenë mentor i gjeneratave të reja dhe përfitimit të kredive relevante për t’u kualifikuar si anëtarë udhëheqës i organizatës
- Ofrimi i mundësisë së pjesëmarrjes në programe të mentorimit, përmes të cilave programe do të avancohen njohuritë dhe shkathtësitë e kësaj fushe.
- Këtu mund të zbuloni përmbajtje dhe të lidheni me edukatorë të tjerë që përdorin Teknologjinë e Informacionit dhe Komunikimit (TIK) për të përmirësuar praktikën e mësimdhënies.
Komiteti udhëheqës
Komiteti Drejtues i SIG-ut “EdTech” është i përbërë prej anëtarëve të këtij SIG-ut, të cilët dëshirojnë, që përmes angazhimit të tyre vullnetar, të kontribuojnë në realizimin e objektivave dhe misionit të këtij SIG-u. Nga anëtarët e Komitetit Drejtues pritet të kontribuojnë së paku 50 orë pune përgjatë një viti për të mirën e komunitetit. Kjo punë mund të jetë në forma të ndryshme (p.sh. mentorimi, shkrimi dhe publikimi i artikujve, përkrahja organizative, tj.)
Komiteti drejtues i SIG-ut, pritet të takohet në baza mujore për ta bërë drejtimin udhëheqës të SIG-ut dhe planin opercional (përfshirë buxhetin).
Përgjegjësinë operacionale të taskave të SIG-ut e bart ekipi udhëheqës dhe administrata e SHPIK-ut.
Aktualisht, anëtarë të Komitetit Drejtues të këtij SIG-u janë:
Diellza Shllaku
SHPIK
Engji Goga
SHPIK
Gresa Latifaj
SHPIK
Rreze Xhaferi
Specialiste e mësimit elektronik në “Mileniumi i Tretë”
Nëse dëshironi të bëheni pjesë e komitetit drejtues, ju lutem të plotësoni këtë formë:
