U nënshkrua marrëveshja e bashkëpunimit me SHPIK ( Shoqatën Profesionale të Informaticientëve të Kosovës) dhe Kolegjin AAB e cila ka për qëllim ngritjen e shkathtësive digjitale dhe nxitjen e inovacionit dhe ndërmarrësisë.
Në këtë marrëveshje bashkëpunimi synohet ofrimi i ndihmës për studentët e Fakultetit të Shkencave Kompjuterike të Kolegjit AAB në ngritjen e shkathtësive digjitale dhe atyre të ndërmarrësisë e inovacionit.
Gjithashtu kjo marrëveshje ka për qëllim ofrimin e ndihmës akademike dhe profesionale për të rinjtë që marrin pjesë në programet e mentorimit dhe trajnimit të SHPIK.
Në këtë mënyrë studentët e Kolegjit AAB, kanë mundësinë të ndërlidhen në tregun e punës duke marrë pjesë në trajnime profesionale që ndihmojnë ata në zhvillimin e aftësive profesionale.
SHPIK financohet nga Austrian Development Cooperation dhe Austrian Development Agency.