Menaxhment & Ndërmarrësi

Ky SIG-u e bën ndërlidhjen e komunitetit të praktikuesve të filozofisë AGILE dhe metodologjisë SCRUM e PMP nga Kosova dhe rajoni. Pjesë të këtij komuniteti janë Scrum Masters, trajnerë të shkathët, menaxherë të produkteve e projekteve, menaxher portfoliosh e aspirues-/ e të profesionit, që mbështesin njëri-tjetrin për çështje praktike prej fushës së agjilitetit të biznesit e deri te zhvillimi agjil i produktit.

Synimet tona janë:

• Promovimi i  profesioneve të menaxhimit të projekteve, ekipeve dhe produkteve në Kosovë
• Identifikimi i sfidave të këtyre profesioneve dhe ofrimi i zgjidhjeve
• Promovimi i praktikave më të mira nga kjo fushë
• Ngritja e kapaciteteve menaxhuese në vendin tonë
• Përmirësimi i cilësisë në planifikimin dhe realizimin e projekteve
• Përmirësimi i saktësisë së planifikimit
• Ndërgjegjësimi dhe aftësimi rreth planifikimit
• Certifikimi i shkathtësive

Për të arritur synimet tona, anëtarët e këtij SIG-u do ta kenë mundësinë që përmes eventeve të ndryshme:

• të debatojnë rreth temave aktuale të kësaj fushe me profesionistë vendor dhe ndërkombëtarë
• të organizojnë trajnime
• t’i shkëmbejnë përvojat dhe njohuritë e tyre
• t’i promovojnë praktikat e mira
• t’i identifikojnë sfidat e profesionit dhe ideojnë zgjidhje përkatëse
• t’i përkrahin institucionet privato-publike në përpilimin e politikave përkatëse.

SIG-u “ICT Project-&Product Management” do të krijoj përfitime të shumta për biznese dhe profesionistë, ndër të cilat më të rëndësishmet janë:

• Qasje në Knowledge Hub të SIG-ut, në të cilin do të publikohen artikuj të ndryshëm dhe rekomandimet më të mira lidhur me praktikimin e AGILE/SCRUM, PMI e standardeve tjera relevante të menaxhimit të projekteve në jetën reale me shembuj konkret e praktik
• Qasje në standarde, udhëzues praktik e templates për Work-Breakdown Sturcture, Earned Value Management, Menaxhimin e rrezikut, Menaxhimin e konfigurimit të projektit, Planifikimin e projektit, Planifikimin e komunikimit, Monitorimin dhe Kontrollimin e projektit, etj.
• Qasje në shembuj se si të implementohen standardet e menaxhimit të projektit, punës axhile në konfigurime të ndryshme ekipesh, kompanish, etj.
• Mundësi të përfitimit të trajnimeve dhe certifikimeve me zbritje të çmimit
• Të drejtë pjesëmarrjeje në sesione këshilluese, webinare, meetups e evente tjera ekskluzivisht të dizajnuara për profesionistë dhe aspirues të kësaj fushe
• Ofrimi i mundësisë për të qenë mentor i gjeneratave të reja dhe përfitimit të kredive relevante për t’u kualifikuar si anëtarë udhëheqës i organizatës
• Ofrimi i mundësisë së pjesëmarrjes në programe të mentorimit, përmes të cilave programe do të avancohen njohuritë dhe shkathtësitë e kësaj fushe.

Bëhu pjesë e SIG-ut “ICT Project-&Product Management” – komunitetit të anëtarëve profesionist, të cilët, falë shkathtësive, ekspertizës dhe përvojave të tyre, janë fuqia shtytëse e kompanive më inovative në vend.